გლობალური პრო ბონო ფორუმი
PILnet-ის გლობალური პრო ბონო ფორუმი ყოველწლიურად სხვადასხვა ქალაქში ტარდება დაწყებული ბუდაპეშტიდან, ბერლინიდან, ვარშავიდან და დამთავრებული მადრიდით, პარიზით, ლონდონით, რომით, ამსტერდამით, ჰონგ კონგით, ბანგკოკით, ბალით და მოსკოვით. ფორუმის ამოცანაა წაახალისოს რაც შეიძლება მეტი იურისტი და იურიდიული ფირმა, რომ ჩაერთონ პრო ბონო ინიციატივებში, შეიტანონ თავიანთი წვლილი თემის განვითარებაში და გააუმჯობესონ მართლმსაჯულების ხელმისაწვდომობა. ინტერაქტიული სემინარების, სხვადასხვა სოციალური ღონისძიებების და სტრუქტურირებული ქსელური მუშაობის მეშვეობით დამსწრეები - იურიდიული ფირმების, კორპორაციების, საადვოკატო ორგანიზაციების, არასამთავრობო ორგანიზაციებისა და იურიდიული ფაკულტეტების წარმომადგენლები ეცნობიან პრო ბონო თანამეგობრობას და ქმნიან ალიანსებს, რომლებსაც შუძლია მსოფლიო მასშტაბით სოციალური სამართლის კრიტიკული პრობლემების მოგვარება და ადამიანის უფლებების დაცვა. თავდაპირველად ფორუმი ტარდებოდა ევროპის მასშტაბით, პრო ბონო კონცეფცია ევროპაში ჯერ კიდევ მოკრძალებული იყო. შემდგომ ფორუმი გლობალური მასშტაბის გახდა და დღეს, ის ტარდება გლობალური პრო ბონო ფორუმის სახელწოდებით.
